Pakistan Urdu News

پاکستان میں کوروناوائرس کے نئے 807 کیسز رپورٹ ہوئے جس کے بعد متاثرہ افراد کی مجموعی تعداد 3 لاکھ 32 ہزار 993 ہو گئی ہے۔ 

این سی او سی کی جانب سے جاری کیے گئے اعدادوشمار کے مطابق گزشتہ 24 گھنٹےمیں کورونا سے مزید 11 اموات ہوئیں جس کے بعد اموات کی مجموعی تعداد 6 ہزار 806 ہو گئی تک پہنچ گئی۔ 

این سی او سی کی رپورٹ کے مطابق پاکستان میں کورونا کے 3 لاکھ 14 ہزار 66 مریض صحتیاب ہو گئے ہیں اور ایکٹیو کیسز کی تعداد 12 ہزار 121 رہ گئی ہے۔ 

رپورٹ کے مطابق کورونا وائرس کے باعث پنجاب میں 2 ہزار 357 اور سندھ میں 2 ہزار 625 اموات ہو چکی ہیں جبکہ خیبر پختونخوا میں اموات کی تعداد ایک ہزار 276، اسلام آباد میں 217، بلوچستان میں 149، ‏گلگت بلتستان میں 92 اور آزاد کشمیر میں 90 ہو گئی ہے۔ 

نیشنل کمانڈ اینڈ کنٹرول سینٹر (این سی او سی) کے مطابق اسلام آباد میں کورونا کیسزکی تعداد 19 ہزار818 ہو گئی۔

این سی او سی کی تازہ رپورٹ کے مطابق پنجاب ایک لاکھ 4 ہزار 16، سندھ میں ایک لاکھ 45 ہزار457، خیبر پختونخوا میں 39 ہزار 458، بلوچستان میں 15 ہزار 896، گلگت بلتستان میں 4 ہزار 248 اور آزاد کشمیر میں 4 ہزار 82 کیسز رپورٹ ہوئے ہیں۔

ملک بھر میں کورونا سے مزید 11 اموات