Pakistan Urdu News

سکھر میں کاؤنٹر ٹیرر ازم ڈپارٹمنٹ (سی ٹی ڈی) اور  مبینہ دہشتگردوں کے درمیان مقابلے میں کالعدم تحریک طالبان پاکستان (ٹی ٹی پی) کے 2 دہشتگرد ہلاک ہو گئے۔ 

سی ٹی ڈی انچارج چوہدری صفدر کے مطابق سی ٹی ڈی گارڈن نے کالعدم تنظیم کے دہشتگردوں کی اطلاع پر جعفر روڈ پر کارروائی کی تو دہشتگروں نے پولیس پر فائرنگ کر دی، پولیس نے جوابی فائرنگ کی جس کے نتیجے میں دونوں مبینہ دہشتگرد زخمی ہوگئے۔ 

کاؤنٹر ٹیررازم  ڈپارٹمنٹ (سی ٹی ڈی) انچارج کے مطابق دونوں دہشتگردوں کو طبی امداد کے لیے اسپتال منتقل کیا جا رہا تھا کہ اس دوران دونوں راستے میں ہی دم توڑ گئے۔ 

سی ٹی ڈی انچارج نے چوہدری صفدر نے مزید بتایا کہ ملزمان سے اسلحہ، دھماکا خیز مواد،کیلیں، نٹ بولٹ، بال بیرنگ اور موٹرسائیکل برآمد کی گئیں ہیں۔ 

 مبینہ دہشت گردوں کی شناخت محب اور محمد انور کے نام سے ہوئی ہے جو کہ 2008 سے 2010 کے درمیان سیکیورٹی قافلوں اور چیک پوسٹوں پر حملوں میں ملوث تھے۔

پولیس مقابلہ میں کالعدم ٹی ٹی پی کے 2 مبینہ دہشتگرد ہلاک